Placita pro Rege de termino sancti Michaelis anno regni Regis Edwardi filii Regis Edwardi primo

De debitis Walteri de Langeton' Couentrensis et Lichefeldensis Episcopi in manum Regis captis

Walter de Thorneton and others

Mandatum fuit ‥ maiori ville Notingh' et clericis ad recogniciones debitorum in eadem villa recipiendum deputatis quod omnes recogniciones coram ipsis factas Waltero de Langeton' Couentrensi et Lichefeldensi episcopo nuper thesaurario domini Edwardi quondam Regis Anglie patris Regis nunc per quoscumque a festo sancti Michaelis anno regni eiusdem Regis vicesimo tertio finiente usque ad diem recepcionis eiusdem breuis diligenter scrutari et illas distincte et aperte transcribendi facerent et transcriptum earundem mitterent thesaurario et baronibus (hic) a die sancti Michaelis in tres septimanas etc. Ad quern diem predict!‥ maior et clerici miserunt hic sub sigillis suis transcriptum huiusmodi recognicionum factarum dicto episcopo post tempus in dicto breui contentum una cum breui eis inde directo etc. In quibus quidem recognicionibus inter alia continetur quod Walterus de Thorneton' de Notingham, Johannes Le Palmer senior, Richardus de Warrewyk et Robertas Myniot de eadem quilibet eorum insolidum recognouerunt coram Willelmo de Normanton' maiore ville Notingh' et Johanne de Kempeston' clerico ad recogniciones debitorum in eadam villa recipiendum deputatis se debere Waltero de Langeton' Couentrensi et Lichefeldensi episcopo centum libras sterlingorum soluendas unam medietatem ad festum Natalis domini anno domini M°CC nonagesimo nono et aliam medietatem ad festum Purificacionis beate Marie virginis proximo sequens. Et predictus Walterus et alii hic presentes in curia (etc.) de predicto debito allocuti si quid pro se haberent seu dicere scirent quare idem debitum ab ipsis leuari non deberet etc. dicunt quod diu est soluerunt prefato episcopo predictas centum libras in quibus sibi ut predicitur fuerant obligati. Et super hoc protulerunt litteram de statuto etc. dampnatam que remansit penes ipsum episcopum de debito predicto post solucionem predictam eis retroditam etc. Qua inspecta et examinata cum recognicione predicta inuenta in omnibus concordare cum eadem per quod euidenter liquet quod est de uno et eodem debito. Ideo predicti Walterus de Thorneton', Johannes Le Palmer et alii inde adpresens sine die.

Johannes de Langeton persona ecclesie de Langeton dicit quod cito post obitu Regis episcopus misit ipsum de Karl' usque London' ad Willelmum de Eston' qui liberauit eidem Johanni apud Nouum Ternplum London' iij M1 marcas quas idem Johannes poni fecit in duabus carratis et eas duxit usque Norht' et ibi dimisit ad domum domini Roberti Peuerel M1 marcas et de Norht' cariari fecit usque Kenilleworth M1 marcas quas posuit ibidem in Turri1 et usque Couentre duxit alias M1 marcas et eas posuit in prioratu quibus factis dictus Johannes venit ad episcopum apud Leycestr' ubi corpus Regis tunc erat et deinde iuit cum episcopo usque Norht' ubi de precepto episcop idem Johannes liberauit de illis M1 marcis dimissis ad domum domini Roberti Peuerel Johanni de Hotost D marcas scilicet ubi eas cariaui tunc temporis ignorauit. Et residuas D marcas dictus Johannes de Langeton' cariauit usque ad Abbathiam de Leyc' et eas dimisit ibidem in thesauraria in quadam coffra de qua habuit dauern. Post-modum episcopus misit dominum Thomam de Nevill cum littera ipsius episcopi de credencia ad priorem Couentrensem per quam litteram dicebat priori quod illas M1 marcas quas habuit ibidem in deposito liberaret cuidam mercatori nomine Accurso de Ceresano que quidem M1 marce liberabantur eidem in presencia dicti Johannis de Langeton' et quas M1 marcas idem Thomas cariari fecit ad domum domini Johannis de Segrave ad manerium vide[licet] de Bretteby.

Placita apud Wyndesore coram Rogero Le Brabanzon Willelmo de Bereford Rogero de Heigham et Willelmo Inge Justiciariis ad querelas de Waltero de Langeton' Couentrense et Lichefeldense Episcopo nuper Thesaurario domini Regis Edwardi patris Regis nunc factas audiendas et terminandas assignatis in crastino sancti Andree apostoli anno regni Regis Edwardi filii Regis Edwardi primo. Dominus Rex mandauit prefatis Justiciariis suis breue suum in hec verba: Edwardus dei gratia Rex Anglie Dominus Hibernie et Dux Aquitanie, dilectis et fidelibus suis Rogero Le Brabanzon Willelmo de Bereford Rogero de Hegham et Willelmo Inge salutem. De variis et non modicis oppressionibus iniuriis et grauaminibus intolerabilibus que Walterus Couentrensis et Lichefeldensis episcopus tempore quo fuit thesaurarius Celebris memorie domini Edwardi quondam Regis Anglie patris nostri per potestatem quam sibi colore officii sui presumptuose usurpauerat et aliis modis diuersis nonnullis de potestate et dominio dicti patris nostri multipliciter inferebat et per quosdam conspiratores et plures alios sibi in premissis adherentes inferri faciebat talis ac tantus ex lacrimosis et quasi innumerabilibus querimoniis nobis inde factis nostris auribus clamor insonuit et tumultus quod nos qui omnibus et singulis de quocumque de potestate et dominio nostro conqueri volentibus sumus ut tenemur in exhibenda Justicia debitores dissimulare non possumus sicut nec debemus quin huiusmodi querelantibus fieri faciamus debitum iusticie complementum maxime propter scandalum quod prefato patri nostro ex huiusmodi oppressionibus iniuriis et grauaminibus per predictum episcopum dudum eidem patri nostro preceteris consiliariis familiarius assistebat taliter factis iminebat. Nos igitur volentes petitionibus populi ad nos ex hac causa confluentis annuere et congruum in hac parte remedium apponere et festiuum assignauimus vos justiciarios nostros ad querelas omnium et singulorum de prefato episcopo et predictis conspiratoribus et aliis sibi adherentibus conqueri volencium de tempore predicto audiendas et terminandas et ad plenam et celerem iusticiam inde faciendam. Et ideo vobis mandamus quod ad certos dies et loca quos ad hoc prouideritis querelas predictas audiatis et terminetis in forma predicta saluis nobis amerciamentis et aliis ad nos inde spectantibus. In cuius rei testimonium has litteras nostras fieri fecimus patentes. Teste me ipso apud Langele xxiiijto die Nouembris anno regni nostri primo.