The Convocation of 1382-3
Published online by Cambridge University Press: 10 January 2024
Summary
Tuesday 18 November 1382
[33r] Convocatio praelatorum et cleri Cantuariensis provinciae, facta in ecclesia conventuali Sanctae Frideswidae Oxoniae Lincolniensis diocesis, auctoritate reverendi in Christo patris et domini Domini Willelmi Courtenay, Dei gratia Cantuariensis archiepiscopi, totius Angliae primatis et apostolicae sedis legati, decimo octavo die mensis Novembris anno Domini millesimo tricesimo LXXXIIdo, indictione sexta, pontificatus sanctissimi in Christo patris et domini nostri Domini Urbani, divina providentia papae sexti anno quinto et translationis dicti reverendi patris archiepiscopi Cantuariensis anno secundo. Imprimis idem reverendus pater missam de Sancto Spiritu in summo altari eiusdem ecclesiae, venerabilibus patribus dominis Willelmo Wintoniensi et Thoma Eliensi episcopis sibi ministrantibus et aliis quampluribus suis suffraganeis pontificalibus indutis circumstantibus, solemniter celebravit. Qua finita, et proposito in praesentia ipsius reverendi patris et suffraganeorum suorum tune ibidem praesentium et cleri multitudine in navi dictae ecclesiae per venerabilem virum Magistrum Robertum Rygge, sacrae paginae professorem et universitatis Oxoniensis cancellarium, Verbo Dei, sumpto pro themate: ‘Congregati sunt in valle benedictionis', dictus reverendus pater turn suis suffraganeis et clero tune praesentibus ad domum capitularem dictae ecclesiae declaravit, lectoque ibidem certificatorio venerabilis patris Domini Roberti, Dei gratia Londoniensis episcopi, cuius tenor inferius continetur, nobilis vir Dominus Hugo Segrave miles, thesaurarius domini nostri regis Angliae quandam literam eiusdem domini regis de credentia dicto reverendo patri et aliis praelatis et clero directam exhibuit; qua lecta, idem Dominus Hugo per suam credentiam nonnulla negotia regia et pericula regno imminentia proposuit et aliquod subsidium competens nomine regio a dictis praelatis et clero concedi petiit in sublevamen et remedium praedictorum, et subsequenter dictus reverendus pater praefatis suffraganeis suis et aliis praelatis et clero tune praesentibus causas convocationis praedictae exposuit, videlicet: quod pro quibusdamhaeresibus quae nuper in regno pullularunt penitus extirpandis, pro defectis et excessibus corrigendis ac iniuriis ecclesiae sanctae illatis reformandis, necnon pro aliquo competenti subsidio concedendo, ad vitandum et repellendum pericula quae ecclesiae, regi et regno Angliae notorie imminebant, ipsam convocationem ibidem fieri tune decrevit, et statim continuavit convocationem eandem ad diem crastinum in eodem loco, expectando absentes. Tenor vero certificatorii de quo super fit mentio talis est:
The archbishop's mandate
Reverendissimo in Christo patri ac domino Domino Willelmo, Dei gratia archiepiscopo Cantuariensi, totius Angliae primati et apostolicae sedis legato, Robertus, permissione divina Londoniensis episcopus reverentiam et oboedientiam tanto patri debitas cum honore.
- Type
- Chapter
- Information
- Records of Convocation , pp. 45 - 58Publisher: Boydell & BrewerFirst published in: 2024