Transcription from the manuscript Vat. lat. 10153.

33ra [Lectio prima]

BEATUS Thomas de Aquino ordinis fratrum predicatorum doctor egregius de illustri prosapia comitum Aquinorum in confinibus Campanie & regni Sicilie originem claram duxit. Huius sancti ortus et vite progressus antequam ex utero nasceretur fuit divinitus premostratus. Erat enim vir quidam in Campanie partibus re bonus et nomine qui cum pluribus aliis anachoriticam vitam ducens opinione celebris habebatur. Hic spiritu Dei afflatus nuntiavit matri sue cum gaudio quod filium conceperat. Cum illa se fore gravidam ignoraret, dicens ei: ‘Gaude domina quia tu paries filium et Thomas vocabitur nomen eius. Hic erit magnus in toto orbe, in scientia et in vita, eritque frater ordinis predicatorum’. Que omnia sicut predixerat sunt completa.

Lectio secunda

Natus itaque puer nobilis Thomasque vocatus spreta seculi vanitate predicatorum ordinem est ingressus. Qui postea a fratribus carnalibus rapitur et quasi per biennium turris custodie mancipatur. Cumque nec minis nec blanditiis posset ab ordinis proposito revocari, per speciem puelle ad eum introducte sub virtute querunt animam innocentis; qui mox de ignetitionem arripiens suggestricem ignite libidinis extra cameram effugavit. Et sancto signo crucis in oratione humiliter se prosternens cum lacrimis a Deo sibi dari petiit perpetue continentie castitatem. Mirum in modum mox oranti duo angeli affuerunt dicentes ipsum a Deo fore clementius exauditum. Sed etiam ipsum (f. 33rb) circa renes stringentes hec dixerunt: ‘Ex parte Dei te cingimus cingulo castitatis quod nullatenus de cetero dissolvetur’. Cuius muneris fuit a Deo efficax gloria: ut ex tunc nullum penitus stimulum senserit venene voluptatis.