POWER TO ELECT

Sheriffs

LONDON, 1131. Ita quod ipsi cives ponent vicecomitem qualem voluerint de se ipsis.

LONDON, 1199. Quod ipsi de seipsis faciant Vicecomites quoscunque voluerint et amoveant quando voluerint; et eos quos fecerint vicecomites presentent Justitiariis nostris qui respondeant nobis vel Justitiariis nostris ad scaccarium nostrum de hiis quae ad predictum vicecomitatum pertinent ex quibus nobis respondere debent. Et nisi sufficienter responderint et satisfecerint, cives Londoniarum respondeant et satisfaciant de misericordia et firma: salvis eisdem civibus libertatibus suis, sicut predictum est, et salvis vicecomitibus eisdem libertatibus quas alii cives Londoniarum habent. Ita scilicet, quod si illi qui pro tempore fuerint vicecomites constituti aliquod delictum fecerint unde misericordiam pecuniae debeant incurrere, non judicentur ad plus nisi ad misericordiam xx librarum, et hoc sine damno aliorum civium, si vicecomites non sufficiant ad misericordiarum suarum solutionem. Si vero aliquod delictum fecerint per quod periculum vitae vel membrorum incurrere debeant, judicentur sicut judicari debent, per legem civitatis. De hiis autem quae ad predictum Comitatum pertinent, respondeant vicecomites ad scaccarium nostrum, coram justitiariis nostris; salvis eisdem vicecomitibus libertatibus quas alii cives Londoniarum habent.