ff.27v.-28r. (MS. no. 32)

E ORE ASSIEUT UNE LETTRE FRERE JON, ARCHEVESKE DE CAUNTEBU’ QE CONFERME AL DIT MOUSTER DE LEGH E AS RELIGIOUS ILUK, LES EGLISES DE BURWOLDESCUMBE, HOCKEWORTHI, DUELONDE E MORDONA, E QE PRENT LE DIT MOUSTER E LES RELIGIOUS ILUKES EN SA PROTECTIOUN.

Frater Johannes permissione divina Cantuar’ archiepiscopus totius (f. 28r.) Anglie primas religiosis viris priori et canonicis de Legh’ Canonicorum salutem et pacem in Domino sempiternam. Inter cetera que nostra cura sollicitudinis cotidiana meditatione revolvit occurit nobis precipuum ut illorum debeamus providere commodis et quieti quos religionis securitas tranquillitas vite et devota caritatis opera Deo reddunt acceptabiles et hominibus gratiosos. Sane dudum nobis in Exon’ diocese auctoritate metropolitica visitationis officium exercentibus humiliter supplicastis ut bona vestra ecclesiastica vobis confirmare dignaremur nos vero advertentes quod et sacram religionem plantare et plantatam fovere modis omnibus debeamus hinc est quod ecclesias de Burwoldescumbe et de Hockeworthi et de Duhelonde Exon’ et de Mordon’ Saresbir’ diocesum curam animarum habentes annexam quas vos impresentiarum possidere et in proprios usus habere per examinationem privilegiorum et indulgentiarum vobis concessarum per nostros commissarios diligenter factam et per nos approbatam invenimus vobis et successoribus vestris salvis nostris et ecclesie nostre Cantuar’ iuribus sicut iuste et rationabiliter possidetis per presentes auctoritate metropolitica confirmamus. Et ut benivolentiam nostram in qua vos quiescere volumus plenius cognoscatur vos bona vestra et monasterium vestrum sub nostra ecclesie nostre et beati Thome martyris gloriosi protectione suscipimus et defensione munimus. Cuius rei gratiam presens pagina sigilli nostri impressione roborata universis eam insinuat inspecturis. Dat’ apud Clist Episcopi iuxta Exon’ 7 Kal. Aprilis anno gratie M CC LXXXII et consecrationis nostre quarto.