Regula Aulæ de Clare. 1359.

Universis Sanctæ Matris Eccleslæ Filiis præsentem paginam inspecturis, Elizabeth de Burgo Domina de Clare Salutem et memoriam rei gestæ. Experientia, quæ rerum omnium est Magistra, edocet manifesto quod in omni gradu tarn ecclesiastico quam civili non mediocriter proficit scientia literarum: quae dum a multis multipliciter inquiritur, in Universitate (in quâ vigere dignoscitur Studium generale) perfectius invenitur. Quæ etiam cum inventa fuerit, ipsius Auditores, qui ejus dulcedinem gusiaverunt, emittit aptos et idoneos in Ecclesiâ Dei et Republicâ, juxta suorum meritorum exigentiam, gradus varios ascensuros. Cupientes igitur, hâc consideratione inductæ ad augmentum cultus Divini, reiq, publicæ commodum, et profectum hujusmodi scientiam quæ (morsu pestilentiæ sublatâ multitudine hominum) hominibus lamentabiliter deficere jam incipit, in quantum nobis Deus dedit, propagare, ad Universilatem Cantabrigiæ Eliensi Diœcesi, in quâ est Congregatio Studentium, convertentes oculos mentis nostræ, et Aulam inibi existentem; Aulam Universitatis communiter hactenus nominatam, quæ de nostrâ fundatione jam existit, et quam Domum de Clare et non aliter volumus perpetuis temporibus nuncupari in Facultatibus de bonis nostris a Deo datis, et in numero Studentium fecimus ampliari, ut pretiosa Scientiæ Margarita ab eis studio et doctrinâ in dicta Universitate inventa et etiam acquisita, non sub modio lateat, sed ulterius divulgetur, lucemq, præbeat, divulgata iis qui ambulant in semitis Ignorantise tenebrosis; et ut Scholares in dictâ Domo nostrâ antea commorantes, sub firmioris pacis tutelâ et concordiæ commodo valeant studio liberius indulgere; quædam Statuta et Ordinationes de consilio peritorum fecimus infra scripta perpetuis temporibus duratura.

Imprimis statuimus quod in dictâ Domo nostrâ perpetuus sit Magister qui cunctis præsideat, qui in ipsâ debeant commorari. Circa cujus præfectionem, formam observari volumus et statuimus subsequentem.