In this appendix, I provide edited transcripts of two passages from the Scalacronica which I discuss above in Chapter 3. I have edited these passages in line with the conventions applied to transcripts elsewhere in this book and with my edition of the Mohun Chronicle (although I have not indicated folio numbers within the text). As an aid to readers, I provide translations.

Gray's story of Ingil (from Cam., CCC MS 133, fol. 88ra–b)

Les Saxsouns sez entrecounsaillerent de l'establicement de lour tere. Il y avoit entre eaux un vaillaunt prus chivaler, le plus grant sires de touz, qi estoit de bon age, quy out a surenoun Ingel. Cesti out un feile de tres grant beauté, qe pur vertu soulement toutdice teint virginité: cesti puscel out autresy a noun Ingele, com touz lez gentz d'un pays de Saxsoun estoint nomez, dez queuz cesti estoit chevetain, qe si nettement voiderent lour pays od femmes et enfauntes a cest conquest, qe grant temps aprés lour pays, un party de Saxsoun, estoit desert, desenhabitez. Ascuns cronicles tesmoignent q'il est unqor gast. Aprés cest nacioun, le plus grant poeple qe vindrent dez Saxsoins, et qe plus multiplierent, et plus durerent outre touz lours adversités de batail et de pestilence, hurent lez plusours du poeple primerment a noune Engleses, qi voroint qe cesti Ingil ust esté roys, pur ceo qe par ly estoint ils touz honourez.