Die v februarii 1460. Magnificus … vexillifer iustitie dixit … videri preterea dominis aliquid agendum esse de augendo salario domini Benedicti cancellarii, nee in his quicquam eos decreturos absque illorum assensu et consilio.

Franciscus Ventura … super negotio cancellarii dixit gratum esse opus ei salarium augere qui bonam operam prestat nec mercedem bene expensam caram unquam videri posse.

Dominus Mannus [Temperani] … super salario cancellarii augendo dixit proverbium esse vulgatum mercedem institoris boni aut discipuli nunquam caram fuisse. Ideoque cum ipse virtuose serviat videri sibi iuxta eius virtutes retributionem fiendam esse ac salarium augendum.

Dominicus Martellus … de salario autem domini Benedicti dixit idem videri sibi quod aliis. Neminem enim fuisse in eo loco qui diligentius ac melius se habuerit. Et reliquit exercitium advocationis sibi maxime utile. Et ideo salarium eius omnino augendum esse.

Dominus Otto [Niccolini] dixit … de re autem domini Benedicti idem se quod alios sentire, presertim cum reliquerit exercitium advocationis et optime satisfaciat. Et ideo videri sibi centum florenos addendos esse salario veteri.

Johannes Bartolus dixit … cumque omnes cives pariter efferant laudibus cancellarium ipsum equum esse ut salarium illi augeatur, cuius officium magis prodest civitati quam sibi.

Franchus Sacchectus ait … nee satis de virtute cancellarii digne dici posse cui, cum reliquerit sua exercitia, de maiori salario censere providendum esse, sicut alii dixerunt.

Dietisalvius Neronis … cancellarium autem dixit esse hominem valde prestantem. Et ideo nedum sibi pro salario centum florenos augendos esse sed longe maiorem quantitatem, sicut dominis visum fuerit.