Folios 29r–33r contain documents relating to two properties on the east side of Goderunlane, and ff. 34r–35v contain documents relating to property on the west side of Goderunlane.

The red-ink heading for each verso on these folios is “Goderun” and for each recto is “lane”. The headings for the first page of each are different and are given below here.

Red-ink heading at the top of the page: “Goderunlane – ex orientali parte perquisita”.

Carta Roberti Pypehirst per Walterum Gatewyk [20 March 1299]

Sciant presentes & futuri quod ego Walterus de Gatewyk, aurifaber London’, dedi, concessi, & hac presenti carta mea confirmavi Roberto de Pipherst, aurimalliatori civi London’, quandam domum quam habui in Goderounelane in parochia Sancti Vedasti London’, cum solariis, terris, fundis, muris, & omnibus aliis pertinenciis suis ad predictam domum spectantibus. Que quidem domus cum solariis & aliis suis pertinenciis sita est inter magnam cameram lapideam Nicholai de Farendone versus austrum & tenementum Radulphi le Orbatour versus aquilonem & viam regiam versus occidentem et cameram privatam Nicholai de Farendone versus orientem, videlicet quicquid ibidem habui vel habere potui seu debui quoquo modo ratione vel jure in terris, edificiis, domibus, in longitudine, latitudine, & omnibus aliis pertinenciis suis prout inter dicta tenementa & dictam viam regiam includitur, habend’ & tenend’ de me & heredibus vel assignatis meis predicto Roberto & heredibus vel assignatis suis & cuicumque, quibuscumque & quandocumque dictam domum cum omnibus pertinenciis suis dare, vendere, legare, seu quocumque alio modo alienare vel assignare voluerint & eorum heredibus libere, quiete, bene, & in pace, jure & hereditarie imperpetuum. Reddendo inde annuatim michi & heredibus vel assignatis meis unum par’ cirotecarum vel unum denarium ad festum Pasche, et faciendo capitalibus dominis feodi illius per annum servicia inde debita & consueta, videlicet heredibus Petri de Haverhulle unum clavum gariophili ad festum Natalis domini, et heredibus Matilde de Goderounlane unam rosam ad festum Nativitatis Sancti Johannis Baptiste, pro omnibus serviciis, consuetudinibus, exaccionibus, secularibus demandis & rebus cunctis. Et ego predictus Walterus & heredes vel assignati mei predictam domum cum omnibus pertinenciis suis predicto Roberto & heredibus vel assignatis suis quibuscumque contra omnes gentes warantizabimus & defendemus imperpetuum.