The synod of Ossory, 1317/25

Hie incipiunt constitutiones synodales ecclesiae Ossor[iensis].

In Dei nomine, amen. Zelo sanctitatis et ecclesiae sanctae Dei et Sancti Cannici Ossoriensis, cuius licet immeriti [sumus] sponsus, non mediocriter accensi ut iuxta verbum prophetae dicere valeamus: Tota pulchra es, arnica mea, et macula non est in te’ subscripta statuta synodalia ad munditiam et sanctitatem universalis ecclesiae episcopatus Ossoriensis, divina gratia adiuti et suffulti, praesentis synodi auxilio et consilio confratrum canonicorum dictae ecclesiae Sancti Cannici, auctoritate ordinaria duximus ordinanda in Domino Iesu Christo.

l.[Defidecatholica.]

Firmiter credimus et specialiter confitemur quod unus est solus Deus, verus, omnipotens, aeternus, immensus, incommutabilis, incompraehensibilis, Pater et Filius et Spiritus Sanctus, tres quidem personae sed una essentia, substantia seu natura, simplex omnino etc., prout in articulis fidei plenius continetur.

Super quibus quidem articulis volumus et districte praecipiendo mandamus omnibus subditis nostris quatenus si quempiam contra articulos fidei delinquentem vel dogmatizantem in dioecesi Ossoriensi sciverunt vel scire potuerunt in fiiturum, extunc ut exnunc ipsum de nomine deliquentis et modo culpae certificare non omittant infra mensem a tempore scientiae computandum, sicut divinam voluerint effugere ultionem.

[2.] De consecratione et reconciliatione ecclesiarum.

Praesentis synodi approbatione praecipimus quod conventuales et parochiales ecclesiae totius Ossoriensis dioecesis non dedicatae, sive rurales sive praebendae aut dignitatibus vel praebendis sint annexae, cum earum coemeteriis, necnon capellae proprios rectores habentes, quae iam perfectis parietibus sunt constitutae, et praecipue maiora altaria in eisdem, infra sex mensium spatium a proximo praeterito festo Sancti Michaelis [29 September] computandorum ad consecrandum sufficienter praeparentur et honeste; eas autem rectores earum et parochiani infra idem tempus procurent consecrari, ac etiam consecratas ecclesias, si violatae fuerint, reconciliari infra idem tempus, sub poena XL solidorum eleemosynae episcopi una cum procurationibus suis ad hoc faciendum solvendorum pro qualibet ecclesia, capella vel coemeterio non dedicato; in ecclesiis vero dedicatis annus et dies dedicationis earum et nomen [sancti] in cuius honore dedicatur, cum nomine dedicantis et numero dierum indulgentiae in consecratione concessae, distincte et aperte circa maius altare in loco ad hoc idoneo conscribantur, ut anniversaria dies dedicationis a parochianis memoretur et reverenter annis singulis solemniter ferianda observetur.