Folios 63r–68v contain deeds relating to Friday Street. The red-ink heading at the top of f. 63r reads “Frydaystrete – þe Fesaunt – perquisita” and each following verso has the red-ink heading “Fryday” and each recto “strete”.

Testamentum Johannis Hakebourne [24 October 1295]

Ad hustengum tentum die lune proxima post festum Apostolorum Simonis & Jude anno regni regis Edwardi filii regis Henrici post conquestum vicesimo tercio, testamentum Johannis de Hakebourne fuit irrotulatum, in quo continetur sic: Lego Isabelle uxori mee unum mesuagium, unam seldam, & unam shopam cum pertinenciis in parochia Sancti Mathei in Frydaystrete ad totam vitam suam, habend’ & tenend’. Et post decessum ipsius Isabelle volo quod omnia predicta tenementa cum suis pertinenciis vendantur per disposicionem executorum meorum & quod argentum de illis receptum solvatur pro debitis Johannis de Hakebourne fratris mei et meis. Et si contingat quod executores mei decedant ante decessum predicte Isabelle uxoris mee tunc executores executorum meorum omnes vel unus eorum cum adjutorio & consilio rectoris ecclesie Sancti Mathei qui pro tempore fuerit id facient quod executores mei facerent si in vita essent. Nomina executorum Robertus de Soutthon & Henricus de Asshstede.

Carta Roberti de Gloucestre [10 May 1310 and enrolled 27 July 1310]

Sciant presentes & futuri quod nos Willelmus atte Wolde, armurarius & civis London’, & Isabella uxor ejus, concessimus, dedimus, & hac presenti carta nostra confirmavimus, toto tempore vite mee dicte Isabelle, Roberto de Gloucestre, aurifabro London’, & heredibus suis & eorum assignatis unam seldam ubi corium’ ponitur & venditur & quandam domum in qua cervisia vendi consueverat una cum antiquis consuetudinibus & omnibus suis pertinenciis in parochia Sancti Mathei in Frydaystrete, London’, que vocatur Frydayselde, & quas quidem seldam & domum predicta Isabella habuit ex legato Johannis primi viri sui, pro quadam summa pecunie quam dictus Robertus de Gloucestre nobis solvit pre manibus: habend’ & tenend’ eidem Roberto & heredibus suis & eorum assignatis & cuicumque & quibuscumque vel quandocumque predictas seldam & domum una cum antiquis consuetudinibus & omnibus suis pertinenciis dare, vendere, legare vel quocumque alio modo alienare seu assignare voluerint libere, quiete, bene & in pace, ad totam vitam supradicte Isabelle, de capitalibus dominis feodi per servicium decem solidorum per annum ad quatuor anni terminos, videlicet ad festum Sancti Michaelis archangeli, Natalis domini, Pasche, & Sancti Johannis Baptiste pro equali porcione inde dicto domino feodi persolvend’ pro omnibus serviciis & demandis.