Folios 22r–24r contain documents relating to the property of “The Ship on the Hoop” in the Shambles, and have red-ink titles at the top of pages, on f. 22r “le Shippe – ad macellas perquisita”, then on the following versos “le Shippe” and on the following rectos “ad macellas”.

Carta Hugonis Wychyngham per executores Hawisie Holmes [29 March 1347]

Sciant presentes & futuri quod nos Johannes Mounde, civis & bladarius London’, & Robertus de Berkwey, bladarius, executores testamenti Hawisie atte Holmes quondam uxoris Ricardi atte Holmes quondam civis & bladarii London’, virtute & auctoritate tam testamenti predicti Roberti atte Holmes quam testamenti predicte Hawisie uxoris sue, concessimus, vendidimus & hac presenti carta nostra confirmavimus Hugoni de Wychyngham, civi & mercero London’, totam illam domum bracineam cum tribus shopis & aliis suis pertinenciis que quondam fuerunt predicti Ricardi atte Holmes in parochia Sancti Nicholai ad mascellas juxta venellam vocatam Pentecostelane London’, que quidem domus bracinea & shope situate sunt inter tenementum Thome Poyntel ex parte orientali & predictam venellam de Pentecostelane ex parte occidentali & tenementum quondam Nicholai Crane ex parte boriali & vicum regium ex parte australi. Concessimus eciam et vendidimus & hac presenti carta nostra confirmavimus prefato Hugoni totum illud tenementum cum pertinenciis in quo predictus Ricardus atte Holmes quondam inhabitabat in parochia beate Marie de Somersete London’, quod quidem tenementum situatum est inter tenementum quondam Galfridi Boddele ex parte occidentali & tenementum Galfridi de Gloucestre, pannarii, ex parte orientali, et extendit se a vico regio de Thamisestrete ex parte boriali usque ad venellam vocatam Tymberhitthe ex parte australi: habend’ & tenend’ omnia predictam domum bracineam, shopas & tenementa cum omnibus & singulis suis pertinenciis prefato Hugoni heredibus & assignatis suis libere, quiete, integre, bene & in pace, jure hereditarie imperpetuum, de capitalibus dominis feodorum illorum per servicia eis inde debita & de jure consueta, pro quadam summa pecunie nobis pre manibus soluta, pro ultima voluntate dicti Ricardi atte Holmes inde complenda. Ita quod nec nos nec executores nostri nec aliquis nomine nostro vel alterius nostrorum virtute nec auctoritate testamentorum predictorum Ricardi atte Holmes & Hawisie uxoris sue, nec aliquo alio modo jure vel titulo in predictis domo bracinea, shopis & tenementis cum suis pertinenciis vel in aliqua parte eorundem aliquod jus vel clameum decetero exigere nec clamare poterimus nec debemus in futurum, sed ab omni accione & calumpnia simus exclusi per presentes imperpetuum.