The synod of Newtown near Trim, 1216/17

Rural deans and their duties

Constitutiones factae in ecclesia cathedrali Sanctorum Petri et Pauli Novae Villae iuxta Athrumiam per Simonem, Dei gratia episcopum Midensem, in synodo ibidem tenta, anno MCCXVI.

Cum Dominus Iohannes Paparo, presbyter cardinalis tituli Sancti Laurentii in Damaso, summi pontificis et domini nostri Eugenii III legatus in Hibernia, in synodo generali tenta apud Kenanus in Midia, anno gratiae MCLII, inter alias salubres constitutiones tune et ibidem factas, ordinaverit ut decedentibus chorepiscopis et exiliorum sedium episcopis in Hibernia, in eorum locum eligerentur et succederent archipresbyteri a diocesanis constituendi, qui cleri et plebis sollicitudinem gerant infra suos limites, et ut eorum sedes in totidem capita decanatuum ruralium erigerentur; idcirco nos episcopos antedictos eius ordinationi morem gerentes, statuimus et ordinamus prout sequitur:

• 1. Imprimis, ut in ecclesiis Athrumensi, Kenanusensi, Slanensi, Skrynensi, Connaclsacheling, olim sedibus episcopalibus in Midia, nunc vero capitibus ruralium decanatuum, archipresbyteri de fiituro instituendi, non solum perpetuam et personalem residentiam faciant in eisdem ecclesiis, verum etiam cleri et populi infra limites eorum decanatuum sollicitudinem gerant.

• 2. Ut nullus in archipresbyterum ordinetur, nisi qui presbyter sit, sub poena amotionis a suo officio.

• 3. Item, quod vacante per mortem aut alio quovismodo archipresbyteratus officio, eligendus est per nos aut successores nostros successor, quia iurisdictionem suam a nobis haurit.

• 4. Item, ut archipresbyteri quotannis et saepius, si opus fuerit, personaliter visitent statum et conditionem omnium ecclesiarum infra suos decanatus, et si qua ecclesia reparatione indigeat, hortentur gregem dominicum ad earum reparationem, actaque visitationis ad nos in proxima synodo transmitti curent. Videant etiam an domus pastorum etc apellanorum sint sartae tectae; corruptelas morum in populo reformare studeant, et si quas abstergere nequeant, as synodum dioecesanam referant, ut de eis emendandis cum consilio cleri deliberari possit.

• 5. Item, ut procurent fidele transcriptum as nos in synodo transmitti, de statu et conditione librorum, vasorum, vestimentorum, et aliorum ornamentorum et supellectilium in ecclesiis infra suos decanatus, ut de eis reficiendis, quoties expedit, statuamur.

• 6. Curent insuper paenitentias canonicas a nobis vel officialibus nostris impositas delinquentibus debite, et ea qua decet solemnitate, peragi et perimpleri in ecclesiis infra suos limites, quibus ipsi cum presbyteris parochialibus intersint tanquam testes, ut qua humilitate et devotione paenitentiae laboribus defuncti sunt, testificare possint.