TRIA nomina si tibi natae data sunt, eaque omnia carminum nomina, quid facias? quin cantabis? etiam puella, patris exemplo firmata, cantabat haec femina. sed quali uoce cantat! unica est, nec si audiuisti, si cantanti adfuisti, facile ex aurium memoria labitur.

domicilium habebat iuuenis in summo tabulato situm; sursum deorsum erant LX amplius scalae ascendendae, descendendae: hinc facultas ei frequens, intra muros canendo gratissimos, uocis exercendae animaeque augendae. cottidie lentius, id quod scalis metiebatur, animam exspirare conabatur; ita latera sibi et altitudinem illam uocalem colebat. sed aliud est ars cantandi, aliud ingenium. magistra ei olim, Carissima, inquit, nos ut tu cantare non possumus, sed exercendo fortasse tu ut nos; aliquid diligentiae coniugis debet; sed quae cultu et usu assiduo se ipsa docuit optime in eo libro legatis expressa cui nomen est Tu cantare si uis potes. nonnulla ibi sunt oratori notanda.

Musas theatrales quoque coluit, sed prae ceteris interpretatrix est carminum, quae siue ipsius in usum siue in aliorum creata omnia arte uoce studio fecit sua. sed altius inquirere oportet. nam praeter ea quae Aristoxenus in ρυθμóν et μξλος diuidit, quae cantando modulatione canore sonis eduntur, syllabae cuique uerborum suum datur pondus, sua subtilis expressio, ut audiatur in primis quid dicere poeta uellet. bacchatur amore iuuenis, uentum inspirat hiemalem, alia uatis nostri carmina multo amore reddit; sed eheu, iam lusum est nobis.