qui cum iuuenis compositioni rerum studebat, quamquam paucae componendi tum dicebantur incognitae latere rationes, tamen obscura tam prompte explicabat ut integram rationem rei peteret. solebant eo tempore moleculae quibus intererat studere ab elementis minoribus coagmentari, sed quae deberent ea esse non omnino liquebat; rem forte aliquando potius quam ratione penetratam hic uir euertit: qui, cum moleculas penitus intellegeret quali mutatione obsessae alia in aliam uerti possent, eas quae natura erant multiplici diiungere in simpliciora constituit; habiliore tum fore ut reficerentur modo. haec res usui maximo medicis erat: sic enim fieri poterat ut uenena quae per se rara nascuntur, inter quae id quod prostaglandin nuncupatur, numero multo plura salutis humanae causa crearentur.

harum molecularum ego uidi figuras modo lineis adumbratas: apium uidentur opera esse arte fingendi solutiore gaudentium. ipse oratione cum praemium Nobelianum accepit habita conexuum factorum uarietatem decoremque admiratus artem suam conectendi cum arte recte contulit pictoris et poetae.

praesento uobis in Vniuersitate Harvardensi Chemiae Professorem,

MY theme now is the molecule, the smallest unit of matter of natural occurrence, the building block of all the working world.