MULTUM hic uir terris iactatus ui potentiorum dicere cum Aenea Salue potuit, Salue, fatis mihi debita tellus. sed hic quidem post uincula et inopiam, post siliquas panemque secundum, post annos uiginti septem tum demum in rem publicam est pariter cum re publica restitutus. nam nobili et ingenuo genere natus, abdicato munere patrio officia maiora suscepit, quae esse in ciui ac uiro debent qui sit rem publicam afflictam et oppressam miseris temporibus ac perditis moribus in ueterem dignitatem et libertatem uindicaturus. iuris consultus factus causam suorum ita dixit ut accusator fieret ipse dominorum: qui quamuis in insulam relegatus neque odio istos esse sibi persuasit et amorem patriae uindicauit suum. desiderium huius nominis renouari et rerum gestarum memoriam usurpari3 ne in carcere quidem abditi desitum est.

algam quondam inter phocas sumebat; nunc ordinum doctissimorum sumit togas, quibus fingamus eum, cum in patriam redierit, dissectis ad libidinem atque in camisias sui generis consutis adeo felici se exemplo uestitum, tamquam Irim arcus spargentem, praebere ut omnis iuuentus amore discendi aemula concitetur.

uirum prae ceteris fortem strenuum iucundum praesento uobis, Nobeliano praemio ornatum, Reipublicae Africae Australis Praesidem,

NELSON ROLIHLAHLA MANDELA

THOUGH long tormented by superior might, this man has been able at last to echo the words of Aeneas, pledging a good health to the land of his destiny; except that for him, it is restoration to his own land and his own land's restoration that he hails, after twenty-seven years of prison and husks. He was born of royal stock, but laid aside privilege to take on a greater task, one that a brave citizen must who is determined to raise his country from the affliction and corruption of evil times to liberty and self-esteem.